"Mae cerddoriaeth wastad wedi bod yn ran anatod o'm mywyd. Fe'm magwyd ar aelwyd gerddorol a ces fy rhoi ar lwyfan am y tro cyntaf gen fy Mam yn dair oed i gystadlu mewn amryw o Eisteddfodau lleol.

"Dechreuais ddysgu'r piano pan yn chwech oed, y feiolin pan yn wyth a'r delyn pan yn unarddeg. Erbyn pedair ar ddeg dechreuais ganu caneuon traddodiadol mewn cyngherddau i gyfeiliant fy hun ar y delyn.

"Yn fuan wedyn dechreuais gyfansoddicaneuon a chreu trefniannau newydd o ganeuon gwerin a darganfod pleser mawr wrth greu ac arbrofi wrth y piano. Fel hyn y bu trwy fy nyddiau ysgol ac wedyn yn y Brifysgol ym Mangor lle astudiais gerddoriaeth. Ces fy annog a fy ysbrydoli'n fawr gan fy nhiwtor cyfansoddi Yr Athro William Mathias a ddangosodd arweiniad doeth i mi.

"Yn ystod y dyddiau coleg hyn bum yn canu gyda'r grwp gwerin roc Bwchadanas a atgyfnerthodd fy niddordeb mewn arbrofi a gwahanol arddulliau cerddorol. Yn dilyn y blynyddoedd addysgiadol hyn mae fy mywyd proffesiynnol wedi ei rannu rhwng cerddoriaeth a gyrfa fel actores."